الامبراطور ابوعركي البخيت يعلن مشاركته في مليونية 19 ديسمبر

الخرطوم – الشاهد :

اعلن الفنان القدير ..ابو عركي البخيت مساندته ليوم ١٩ ديسمبر وانه في اول الصفوف بجانب الثوار كتف بكتف والجدير بالذكر ان ابو عركي رفض من قبل دعوة من الحكومة لحضور توقيع اتفاقية جوبا للسلام اعتراض على السلام الغير كامل …
وكان الفنان قد اتم انهاء عمل فني غنائي يعبر عن معاناة الشعب ..اطلق عليه ..
( صراع محموم)…قال فيها …
صراع محموم
إستعصت
ومابتتصلح ما دام الوضع
بِهذا الشكل الغير مُقنع
ما بتتصلح وأنا كُلِّي عيون
وما تغالطني
أهو صف
العيش بِشهد ليا
وصف البنزين
وغلا الأسعار
نضمي كتير و كمان تنظير
و مؤتمرات في كل مكان
والشعب القابض
جمر النار
وضعو صعب ما بِتحمّل
عُنف التيار
ما عرِفنا منو البِحكُمنا الان
والبلد الصامد
بين المطرقه والسندان
وشعبنا غارق في التوهان
وصراع محموم
مابين التيارات الضد
والضدنا والحاكمة السودان
ومن المفروض بنجيب
حكامنا يديرو بلدنا
ولو اتغفلنا حبيبنا
بضيع من بيناتنا
حنغرس شجراً
بين الشجر
الغرسوا شهيدنا
بدمو الحار
الما جفَّ ومن قبل شهور
ونعدِل بالقانون المطلق
والدستور.